إلى كلّ نساء االدّنيا

https://www.facebook.com/nassimalajmi/videos/740319756079972/?l=7629270888515611448






يا دنيا ...صباح الخير
صباح الخير ....
يالّي  ورّيتني الويل
قدّ ما نعطيك
ما يظهرش فيك
عمرك ما تقول يبارك فيك
دوّرت بيّ همومك
وطيّحتني في يد مشومك
زادت الوجاعة
العين تبكي  والرّوح تطلب الشّفاعة
الصّحّة وفات خلّات بيّ
ولّي كانوا معاي هربوا عليّ
في الزّهو والطّرب كانوا جماعة
وفي الشّدّة ماعادش يطيقوا معاي حتّى ساعة
يا ربّي يا حنين
قسوة القلوب  خلّاتني انّين
خايفة مصدومة
والصّبر نجيبو منين
الوحدة سكنت روحي
أنا والوحدة  صرنا واحد مش اثنين
إلّي فنيت معاه العمُرْ
يستنّى وقتاش نولّي قبر
ما نيش نبالغ
وما نيش نزيد في الخبر
هذي قلّة أصل في البشر
غدر وخان
يحبّ طفلة صغيرة تونّسوا في الدّار
أكبر منّي بعشرين
نسى عمرو وحبّ بنيّة
يصرف عليها في الشّهريّة
وحقّ الدّواء يعزّو عليّ
يا ربّي يا حنين
جيبلي حقّي من الاثنين


نسيمة الهادي اللجمي