مــوش مهــم

موضوع: مــوش مهــم الإثنين أغسطس 03, 2015 10:25 am

مــوش مهــم

مــوش مهــم 331526919

موش مهمّ إنتِ شكونِك

شنوّة اسمك

شنوّة لُونك

لا جنسيتك

لا شهريتك

نحبّ كي نفرح نجرليك

نبكي بالفرحة ونحكيلك

نشوف الفرحة في عيونك

نقلك موش مهم إنتِ شكونك

كي نخاف

تفتحلي قلبك

ندخل فيه

نلقى حبك

يغني غناية

فيها دوايا ..فيها سعدي

فيها هناي

موش مهم إنتِ شكونك

أمي ..خويَ .. ولّا بويَ

ولاّ حوريّة في ظنونك

نحبّ كي نحزن نجريلك

نقلّك ما عنديش غيرك

نلقى فيك الانسان

فنّ إحساس وحنان

تحنّ عليَّ

تبكي معاي .. تبكي عليَّ

دمعك يتخلّط بدمعي

نفرح ونضحك كي تقلّي

وقت نشوفك يحلى عمري

نحشم منك نهرب نجري

موش مهم إنتِ شكونك

ما دام تسكنّي في عيونك

نسيمة الهادي اللجمي
صفاقس