يا حســـــرة

موضوع: يا حســـــرة الأحد يوليو 12, 2015 4:13 pm

يا حســـــرة

يا حســـــرة Images?q=tbn:ANd9GcSW4_Ln05GbYohay2lDua-axcMRiloEATyDnlwUtSMKVxxzjCH_

يا حسرة

يا حسرة كي كنّا صغار

نلعبو قدّام الدّار

أمّي ومّك في الكوجينة

أختي وخوك يعسّو علينا

ضربة قدّام الباب

ولكثريّة في التّركينة

نطلّو عليهم ..

يعيّطو علينا

يا حسرة

كي كنت معاك

إنتِ تجري وانَ وراك

نطيح ونبكي

تجيني تجري

تنفّض الغبرة من دبشي

تمسح دمعة عيني بيدك

تقربلي وتقلي نحبّك

نغزرلك نلقاك شباب

مزيان تسحر لَلْباب

قلبي يرعش يخاف عليك

ندعيلك ربي يحميك

وكيف كبرنا

منعوا عليّ حتّى الباب

نطلّ عليك مشّبّاك

نتمنّى نمشي بحذاك

تغمزني ..ترميلي ورقة

تقلّي فيها ..الّليلة الملقى

نخرج نتسلّل بالسّرقة

بويَ وبوك جهنّم زرقا

كان يفيقو بينا

يقيّمو حريقة في الزّنقة

تتفكّر كي جيت تسافر ؟

خرجت بالسّاكتة نودّع فيك

نبكي ونقرّق بيك

نقلّك ربّي يهديك

ابق معايَ

راني نموت بعيد عليك

بعد سنين

رجعت للحومة

شفت معاك واحدة حمرا

وشعرها لونو كي الجّمرة

قالولي .. ولفك غدر وخان

خذا قاورية من الألمان

قلتلهم ما يعملهاش

ولفي كيفو ما ثمّاش

يا خسارة

نستنى من وانا بنيّة

طلعت غدّار خلّيتها بيّ

نسيمة الهادي اللجمي
صفاقس